Histuurialinen romaani, joka käyttää keskiaikasta hypriititarinaa, jossa myytti ja asiakirja, satu ja toelisuus valasevva aikakautta, n. 990-1056, ko Olof Skötkonungin tyät Ingegerd (Anna Novgorodilainen) ja ruhtinas Jaroslav Viisas kuoleva ja kväänien kuutti kaataa ruottalaisen kuninkhaan, Emund Vanhaan. Tarinan sankari reisaa Rodenista (Upplannista) Eestin kautta Novgorodhiin ja Pohjos-Karjalhaan, laittaa rahapaaluja Novgorodin ja Hålågolannin välile. Käymäjärvenkivi nostethaan paikohleen ja taihvaantulia käytethään ashiena Kainulaisjärven taisteluissa. Täräntö saapi nimensä ja Caeliksessa (Ylikaihnuussa) kasuaa ihmeelinen kuusipuu.
